Skríddu ofaní öskutunnuna....

...með laaaaaaaaaaaaaaaaaaafaaaandi tuuuuungu!

Vjer erum í bloggfríi...

...en gjefum oss samt tíma til að lýsa því yfir að hljómlistarflokkurinn Sinfóníufréttir er sá flottasti í vorum gjervöllum tónlistarbransa. Þessi súpergrúppa býr yfir einstökum hæfileikum til þess að byggja upp Vegg og rífa hann síðan aftur niður er líður að lokum tónlistargjörningsins... 


Teddi á skjánum og veðrið strax betra!

Í gærkvöldi var ég í hálfgerðu þunglyndi einsog 3/4 þjóðarinnar vegna rigningar og roks á suðvesturhorni landsins. Kenndi ég þar um að í veðurfréttum Sjónvarps (RÚV) hafði sveitungi minn Theódór Hervarsson (Teddi) ekki spáð fyrir um sjónvarpsveðrið í einhverja daga! Þess vegna var spáin í gær kolómöguleg!

En viti menn: Í kvöld var Teddi mættur inná stofugólfið! Og hvað haldiði? Um helgina spáði hann 18 stiga hita og hinu besta veðri.Smile

Er að hugsa um að senda Magnúsi Jónssyni veðurstofustjóra tölvupóst og krefjast þess að Teddi fái ekki að taka sumarfríið sitt fyrr en í haust! Hann spáir alltaf vel drengurinn og þess vegna væri ósvinna að senda hann strax í frí og bjóða þar með hættunni heim á rigningasumri.


Geir Haarde fer í morgin at bidja forsetan um at koyra ríkisstjórnina frá!

Þar sem ég er í bloggstuði og miðtaugakerfið hefur notið góðs af flotbrauði og hækkandi prómillum, þá ætla ég að setja inn á síðuna frásagnir Útvarps Færeyja af stjórnarmyndun okkar Samfylkingarfólks og Sjálfstæðismanna.

Byrjum á þessari frétt:

Íslendska stjórnin leggur frá sær - hóast hon hevði meiriluta
     hósdagur, 17. mei 2007 18.13 - Útland
   
Hóast hon varðveitti meirilutan, tó bara við einum tingsessi, leggur íslendska stjórnin frá sær. Tað kunngjørdu Geir H. Haarde, forsætisráðharri í Sjálvstæðisflokkinum, og Jón Sigurðsson, formaður Framsóknarflokksins, í dag.

Teir eru samdir um, at grundarlag er ikki at halda fram.
Geir Haarde fer í morgin at biðja forsetan um at koyra ríkisstjórnina frá. Síðani væntar hann at fara til Samfylkingina, sum er sosialdemokratiskur flokkur, við fyrispurningi um stjórnarsamstarv.

Geir Haarde sigur, at hóast samstarvið millum Sjálvstæðisflokkin og Framsóknarflokkin hevur verið gott tey 12 árini, teir hava havt ræðið í Íslandi, so verður tað ov strævið at halda fram bara við einum tinglimi í meiriluta. Framsóknarflokkurin misti fimm sessir á valinum leygardagin, men Sjálvstæðisflokkurin vann tveir.


Mikið lifandis skelfingar ósköp....

.....er gaman að vera svolítið hífaður!Smile

It was 40 years ago today....

....Sergeant Pepper taught the band to play."Whistling

Mikið hefði ég viljað upplifa útkomu hennar á sínum tíma. En árið 1967 var ég bara mínus-níu ára og þar af leiðandi í fyrralífi, ef svo má segja.

 Sgt-Peppers

Pepper var fyrsta Bítlaplatan sem ég eignaðist - reyndar annar tveggja fyrstu geisladiskanna sem ég keypti mér eftir að ég fjárfesti í geislaspilara sumarið 1992. Á næstu árum urðu Bítlaplöturnar fleiri og í dag á ég nær allar seinni plötur Lifrarpollsfjórmenninganna og einnig Anthology-safnið og Live at the BBC. Að ógleymdri nýju endurgerðar-plötunni Love.

Af einstökum sóló-Bítlum er John Lennon fyrirferðarmikill í mínu safni og síðan á ég safndisk með Paul McCartney.

Besta plata Bítlanna er að mínu mati Abbey Road vegna sándsins á henni og vegna þess að þeir lögðu allt í þennan svanasöng sinn sem tekinn var upp vorið og sumarið 1969. Þeir vissu að leiðir myndu skilja að hausti. Fast á hæla Abbey Road fylgja síðan Pepper, Hvíta Albúmið, Revolver, Magical Mystery Tour og Rubber Soul. Reyndar er kvalítetið á verkum Bítlanna slíkt að flest önnur bönd á þeim tíma (og í dag) hefðu prísað sig fullsæl með kannski helminginn af þeirri snilld.

Kannski var Pepper merkilegust allra breiðskífna Bítlanna, enda passaði hún svo feikivel við tíðarandann sem í hönd var farinn. Hún markaði einnig fráhvarf í fatastíl og útliti skapara sinna. Í staðinn fyrir jakkafötin, támjóu skóna og hár ofaní augu, kom persónulegur stíll hvers og eins. Reyndar var samt ákveðin samræming á Pepper. Allir þekkja jú búningana frægu - sem sjást á myndinni hér fyrir ofan, sem og hormotturnar sem allir fjórir létu sér vaxa kringum áramótin 1966 til 1967.

Kannski vekur þó mesta athygli breytingin á John Lennon, sem var tveimur árum áður með hárið lengst ofaní augu og var óvenjuvel í holdum miðað við venjulega - reyndar kallaði hann tímabilið um 1965 ,,feita Elvis-tímabilið". En vorið 1967 hafði John elst um mörg ár í útliti - var stuttklipptari, kinnfiskasoginn með yfirvaraskegg og skartaði sínum frægu kringlóttu hornspangagleraugum, sem komust ærlega í tísku árin á eftir. Augun í honum eru heldur sljó og lífvana á Pepper-albúminu. Enda ku hann víst hafa verið á bullandi sýru þegar myndatakan fór fram.

Músíkin er auðvitað aðalatriðið á Pepper. Best þykja mér"A Day in the Life", "Lucy In the Sky", "She's Leaving Home", "Mr. Kite" og "Within You Without You". Síðan er "Fixing a Hole" alltaf flott, auk titillagsins og "With a Little Help From My Friends". En George Martin gerði hroðaleg mistök með því að setja ekki "Penny Lane" og "Strawberry Fields" á albúmið um Pepper liðþjálfa. Enda hefur hann verið ófeiminn að viðurkenna það í viðtölum.

 george_martin

Upphaflega ætluðu Bítlarnir að gera heila plötu um æskuslóðir sínar í Lifrarpolli. Þessi hugmynd tók hins vegar á sig mynd Bítlanna í dulargervi ,,Einmana hjartaklúbbshljómsveitar Peppers liðþjálfa".

Haustið 1980 varð John Lennon reyndar til þess að hrekja goðsögnina um konseptið á bak við Sgt. Pepper útí buskann:

"It's called the first concept album, but it doesn't go anywhere. 'A Day in the Life,' 'Mr. Kite,' all my contributions had absolutely nothing to do with this idea of Sgt. Pepper and his band. But it works, 'cause we said it worked, and that's how it appeared."

En hvað sem líður raunverulegu konsepti eða ekki-konsepti Pepper-plötunnar, þá var útgáfa hennar slík tímamót í vestrænni tónlistar- og menningarsögu, að slíkt verður seint leikið eftir.

I'd love to turn you on!


Geirbjörg: Lifðu í lukku en ekki í krukku!

Í þessum skrifuðum orðum stendur yfir ríkisráðsfundur hinn seinni á Bessastöðum. Framsókn er farin úr stjórn en við tekur Samfylkingin og myndar sögulegar sættir við Sjálfstæðisflokkinn. Þetta er gleðidagur hinn mesti og bind ég miklar vonir við nýju ráðherrana mína - þau Ingibjörgu, Össur, Jóhönnu, Björgvin, Kristján Möller og Þórunni Sveinbjarnar. Þeim eru hér með færðar hamingjuóskir með ráðherraembætti sín. Velfarnaður fylgi þeim í starfi og megi þau gera nýju stjórnina að sannkallaðri velferðarstjórn!

Ég er bjartsýnn á komandi ár. Þetta er í raun mikil breyting á stjórn landsins - örugglega til batnaðar. Ég held að þessi ríkisstjórn verði þrátt fyrir allt með töluvert meiri vinstri áherslum en fyrri stjórn, enda ber stjórnarsáttmálinn það með sér að velferðarkerfið verður endurreist og skattabreytingar munu jafna lífskjör en ekki breikka bilið einsog hjá gömlu stjórninni.

Auðvitað er maður ekki sáttur við allt. Sjálfstæðisflokkurinn fékk heilbrigðisráðuneytið og síðan þótti mér slæmt að fjármálaráðuneytið skyldi ekki koma yfir til okkar. En það verður lærdómsríkt fyrir Sjálfstæðismenn að uppgötva þá staðreynd að heilbrigðismál eru ekki ,,lúxusútgjöld" (sbr. bloggfærslu Péturs Tyrfingssonar um heilbrigðismál frá því í gær). 

Við Samfylkingarfólk þurfum allavega ekki að svara fyrir heilbrigðiskerfið. Ég vona bara að nýi heilbrigðisráðherrann skoði allt kerfið vel og vandlega áður en hann leggur í einhverjar breytingar. Enda efast ég ekki um góðan vilja hans til að gera vel.

Báðir flokkarnir eru sammála um að stokka upp í heilbrigðiskerfinu og er það vel. Og einkarekstur getur nýst ágætlega á sumum sviðum þar inni, enda er hann nú þegar útbreiddur. En hann má aldrei ,,fleyta rjómann" frá ríkisreknu stofnununum og prinsippið um jafnan aðgang verður að byggjast á því að fólk njóti svipað góðrar þjónustu óháð efnahag - og ekki verði búinn til möguleiki á betri þjónustu fyrir þá efnameiri.

Við róttækustu stuðningsmenn ríkisstjórnarinnar munum veita verðugt aðhald í heilbrigðismálunum og öllum öðrum málaflokkum, óháð því hvor flokkurinn á í hlut. En hafi ég einhverjar áhyggjur af ráðherrum Sjálfstæðisflokksins, þá hverfa þær áhyggjur einsog dögg fyrir sólu þegar ráðherrar Samfylkingar eiga í hlut. Þau munu verða sjálfum sér, flokki sínum og þjóð sinni til sóma.

Nýrri ríkisstjórn fylgja óskir um farsæld í störfum sínum!


Enn fleiri nöfn!

Enn fjölgar nöfnunum í skoðanakönnuninni. Til mín hafa borist ábendingar um tvö nöfn í viðbót - Baugalín og og RiseSSan. Þar með eru möguleikarnir orðnir níu talsins, hvorki meira né minna.

Kjósið nú lesendur góðir!


Gleymdi Akureyrarstjórninni!

Þegar ég var að setja upp nýja skoðanakönnun í kjölfar vangaveltna minna í færslunni á undan um nafngiftir nýju ríkisstjórnarinnar, þá láðist mér að setja inn eitt nafn sem mér datt allt í einu í hug:

Nú er mál með vexti að samstarf S-flokkanna á sér fyrirmynd norður á Akureyri eftir síðustu sveitarstjórnarkosningar. Meirihluti fráfarandi ríkisstjórnarflokka lét af völdum þar í bæ og við tók meirihluti Samfylkingar og Sjálfstæðisflokks.

Þess vegna bæti ég við einni nafngift við í nýju skoðanakönnuninni hérna á Paradísarfuglinum - Akureyrarstjórnin!


KR-stjórnin eða VökuRöskvu-stjórnin?

Nú fara menn mikinn um nafngiftir nýju stjórnar okkar og Sjallanna. Svekktir og súrir Framsóknarmenn - jafnvel einstaka Vinstri grænn - hafa uppnefnt hana Baugsstjórnina vegna ,,dýrs lesendabréfs" manns sem kenndur er við hreint loft.Smile

Aðrir hafa talað um Geirbjörgu með vísan til formanna stjórnarmyndunarflokkanna. Einnig hefur Uppstigningarstjórnin komið sterk inn, enda var fyrsti hittingur Sollu og Geirs á uppstigningardegi eftir að Geir hafði slökkt á öndunarvél Framsóknarmaddömunnar.

Og í dag hefur heyrst skrafað um Þingvallastjórnina vegna fundahalda Sollu, Össurs, Skúla Helga, Geirs, Þorgerðar Katrínar og Árna Matt í blíðunni á Þingvöllum.

Allt eru þetta góð og gild nöfn, nema auðvitað Baugsstjórnin, sem lýsir fyrst og fremst gremju þeirra sem urðu ekki sætasta stelpan á ballinu!¨

Ég ætla hins vegar að leyfa mér að leika mér með tvær nafngiftir. Hin fyrri er tilkomin vegna stuðnings Geirs og Sollu við ónefndan fótboltaklúbb vestur í bæ, sem hefur ávallt talist til erkifjenda okkar Akurnesinga. Nýja ríkisstjórnin gæti því hæglega heitið KR-stjórnin!

Reyndar hefur stjórnin samt tengsl við Íþróttabandalag Akraness - fyrst og fremst Sjálfstæðisflokksmegin.  Inga Jóna, kona Geirs, er af Skaganum og mágur hans (bróðir hennar) er auðvitað sjálfur Guðjón Þórðarson - þjálfari ÍA. Spurning hvort Gaui taki mág sinn og Ingibjörgu Sólrúnu ofan í kalda vatnsbaðið á Jaðarsbökkum til að herða þau upp til góðra verka í nýju stjórninni!LoL

En hins vegar hefur mér flogið í hug önnur nafngift sem á sér rætur í stúdentapólitíkinni vestur á Melum.

Fjölmargir innan Samfylkingar og Sjálfstæðisflokks voru í eldlínu stúdentastjórnmálanna fyrir annað hvort Röskvu eða Vöku. Í Röskvu (eða forverum hennar) voru meðal annars Ingibjörg Sólrún, Össur, Steinunn Valdís, Þórunn Sveinbjarnar, Ágúst Ólafur og fleiri úr Samfylkingunni. Vökumegin voru síðan Geir H. Haarde, Björn Bjarnason, Sigurður Kári og ótal fleiri Sjálfstæðismenn.

Svo er hægt að nefna fólk í baklandi flokkanna, svo sem Kristrúnu Heimisdóttur (Samfylking/Röskva) og þá Deiglumenn Borgar Þór, Þórlind Kjartansson og Andra Óttarsson (Sjálfstæðisflokkur/Vaka). 

Áður en Röskva vann meirihluta í Stúdentaráði í febrúar síðastliðnum, starfaði saman árið á undan stórsamsteypa Röskvu og Vöku. ,,Tey vóru saman við einari stórari samgongu", einsog Færeyingarnir myndu orða það!Grin

Þessi stóri meirihluti var auðvitað stórpólitísk tíðindi í margfrægri sandkassapólitík háskólastúdenta. Stjórnarmyndun Sjálfstæðisflokksins (tengsl við Vöku) og Samfylkingarinnar (tengsl við Röskvu) á kannski ef til vill ákveðna fyrirmynd í þessu stóra samstarfi í Stúdentaráði 2006-2007. Hver veit?

VökuRöskvu-stjórnin? Eða KR-stjórnin? Ætla að setja skoðanakönnun með þessum nöfnum og öllum hinum!


« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband