Yður bloggamogg kveð ég....

...og bendi á gömlu síðuna - http://www.blog.central.is/hakonb

Adieu capital Megasar er við hæfi (ku samið um ákveðinn stjórnmálamann):

Geir minn geir með vörtu

grátbólginn klæddur svörtu

kveð ég þitt lúsuga lókal

læði á braut þínum lók-al

vöruþrunginn og þunnur

það þrífst síst nokkur gunnur

mér á sjúku sinni

en segðu mér

hvað líður hringvöðvabólgunni

 í leghálsopinu á langömmu þinni?


500 verkamannaígildi!

Í fimmtudags-dévaffinu sá ég á baksíðu frétt um tekjuþróun síðan 1994. Talað var um muninn á hæstu og lægstu tekjuhópum. Í byrjun tímabilsins var munurinn áttfaldur en í lok þess (mjög nýlega, man ekki ártalið!) var munurinn orðinn tuttuguogeittfaldur!

Manni flökrar við þessi tíðindi. Vissulega hefur verið góðæri og allt það. En góðæri geta ekki verið sannkölluð GÓÐ-æri nema aukningu teknanna beri hlutfallslega nokkurnveginn jafnt að garði hjá öllum tekjuhópum. Síðan geti almannavaldið stuðlað að jöfnun í þágu lægri tekjuhópanna með skattabreytingum sem hæfa siðuðum velferðarsamfélögum.

Það er kominn tími til að hjóla í bankana og aðra sem fitna á okri og arðráni. Þó vissulega sé gróðinn þeirra að skila ákveðnum tekjum í ríkissjóð - sem ber ekki að vanþakka - þá mega auðmenn ekki ráða yfir samfélaginu. Þeir voru ekki kosnir til þess, heldur stjórnmálamennirnir.

Ef til vill er gallinn við nýju ríkisstjórnina sá að hún mun ekki taka mikið á efstu lögum þjóðfélagsins. Áfram verður skautað fimlega hjá því að styggja burgeisana. Það er ef til vill sorglegast við bæði Samfylkinguna og einnig VG - hefðu þeir náð saman með Íhaldinu - að hvorugur flokkurinn þorir að hrófla við auðvaldinu. Engu að síður er mjög jákvætt að velferðarmálin séu rifin uppá rassgatinu eftir áralangt sinnuleysi Framsóknar. Gleymum því ekki.

Fjármála- og menntamálaráðuneytin lentu samt illu heilli hjá Íhaldinu. Þess vegna verður að hafa Árna Matt og Þorgerði Katrínu í gjörgæslu. Sú síðarnefnda er reyndar ósköp meinlítil, þó ekki geri ég ráð fyrir að upprætt verði sú siðleysa að leyfa bönkunum að græða á námsmönnum sem þurfa á aðstoð Lánasjóðsins að halda. Árni Matt verður hins vegar erfiður þegar kemur að grundvallarmálum í velferðarkerfinu, svo sem launakjörum þeirra sem vinna við það, og einnig verður slett eins naumu fé og hægt er í umbæturnar sem Jóhanna Sig ætlar að gera í velferðarmálunum.

En aðalatriðið í þessari færslu minni er einfalt: Það verða erfiðir kjarasamningar og ekki undan því vikist að hækka lægri launin verulega. Peningafurstarnir hafa gefið tóninn fyrir komandi viðræður og ber vitaskuld að þakka þeim fyrir það. 

Kaupþingsbankastjóri er samasem 500 ,,verkamannaígildi"!


M-nóttin brostin á!

Mér er ekkert um menninguna gefið

sagði maður einn: hún gengur ekki í nefið

né hentar hún í æð svo ég legg á helvítið fæð

og hugsi ég til hennar þá er það einkum eitthvað ljótt

en nú er ég einmitt einsog kviksettur í kolblárri menningarnótt

 

sylvía hún hefur það og sex það verður ekki af henni skafið

það væri suddalegt að stinga sér alveg í hana á bólakafið

og tremmakúl að eiga á því kost að spúla

hana að innan það væri fáránlega frjótt

og því segjum við: abeat og pereat kúltúr við heimtum sylvíunótt

 

meybarn átti grýla sem meikaði hún vægast sagt ekki

,,það má ekki ske að skrýmslið skæli hér allt og skekki"

þetta var skýlaus viðurkenning og mærin sem hét menning

fór í mínus og fór á flakk og fór með veggjum og fór hljótt

en hún emjaði einsog stunginn grís þegar menn gripu hana og múruðu inní marklausa nótt

 

ég hef ekki á menningunni mætur

sagði hann: hún mætti sleppa því að fara á fætur

og bara selja sig einsog hún er - í bælinu allsber

uns hún breyttist í rottuholu í gróinni tóft

en það er vissulega ekki við hana sjálfa að sakast heldur þá sem malla þessa menningarsótt

(Megas)


Skagamenn Skagamenn skoruðu mörkin!!!

Nú erum vjer gulir og glaðir!

ÍA


Helgi kenndur við verslunarmenn

Nú er hann Verslunarmanna-Helgi í heimsókn. Hann hefur hegðað sér skikkanlega hingað til. Í gærkvöldi fór ég suður í kratabælið að heimsækja Frey vin minn Bjarnason, bakvörð og blaðamann með meiru. Það var snilld. Við vorum í miklum fíling og ekki spillti fyrir að meistari Sigurbjörn Svanbergsson leit við og endaði á því að fara á fyllerí með okkur þó hann hafi ekki ætlað sér það í fyrstu. Enda voru hann og Nína að fara í sumarbústað vestur í Dýrafirði í dag, þannig að planið Sibbarans hljómaði ekki beinlínis uppá það að negla í botn í djúsinu.Smile

Tókum taxa í bæinn og lentum á öfgahressum leigubílstjóra. Fórum ,,heim" á Ölstofuna og hittum þar meðal annars Pétur Atla sveitung okkar af Skaganum. Það var nú barasta djöfulli margt á Stofunni Ölsins þó bjórinn sé búinn að hækka þar. Meðal frægra gesta Ölstofu gærkveldsins var Megas ásamt Súkkatbræðrum. Ædolið mitt var glaðlegt og hresst að sjá enda er hann í tísku um þessar mundir - þó fyrr hefði verið!

Algjör snilld þetta gærkvöld. Enduðum ég og Freyr á Ellefunni, svo fór ég aftur á Ölstofuna í blárestina þar og svo heim. Í dag hef ég verið þunnur en er eitthvað að sulla í bjór þessa stundina. Það verður samt rólegt í kvöld en annað kvöld ætla ég að reyna að stunda ólifnað með stóru Ó-i. Á þó enn eftir að finna djammfélaga fyrir þá iðju.

Nú er ég að hlusta á Rás eitt. Þar er verið að fara að útvarpa stórkostlegum tónleikum Melabandsins og Dúndurfrétta - a.k.a. Sinfóníufrétta. Ég fór á þessa tónleika og þvílík djöfulsins gargandi snilld! Það verður gaman að endurupplifa þessa geðveiku músíseringu sem þarna átti sér stað.

Kannski maður komi síðan með einhverjar Verslunarmannahelgarsögur seinna í kvöld!Smile Til dæmis mikla frægðarför til Eyja árið 1999 þar sem undirritaður átti sér fleira en eitt líf!


Magnús er að taka Borgarfjörð eystri í nefið með annarri!

Megas er núna á sviði á Borgarfirði eystri (les: Magnafirði) í beinni á Rás tvö. Held ég hafi aldrei heyrt kallinn svona flottan einsog núna! Hver slagarinn á fætur öðrum steinliggur - Ragnheiður biskupsdóttir, Álafossúlpan, Heimspekilegar vangaveltur, Reykjavíkurnætur, Ég á mig sjálf, und so weiter.....

Svo eru Megas og Senuþjófarnir auðvitað með eitt og eitt lag af Frágangi. Hljómskífan sú arna fékk hvorki meira né minna en fimm stjörnur í Mogga gærdagsins.

Gamli maðurinn hefur sennilega aldrei verið betri!


Nú langar mig á Ólafsvöku...

...og ekki orð um það meir!

Til þess að fanga stemningu Ólafsvöku er þó hægt að hlusta á Rás tvö. Akkúrat núna var að klárast týpískur Föroyskur dansur.Smile Svo er reyndar líka verið að senda út frá Bræðslunni - miklum tónleikum austur á Magna-firði.

Þar er besti vinur Bubba að fara að stíga á stokk innan tæprar klukkustundar. Að sjálfsögðu verða mín eyru viðstödd þann performans.

Á næsta ári verður síðan farið á Ólafsvökuna, það er engin spurning!


,,Það er greit.....

...að elska gálu einsog þig!"

Tvöþúsundogsjöversjónin af Það er gott að elska er ekki eftir Ásbjörn Kristinsson Morthens, heldur Magnús Þór Jónsson!

Meistarinn í banastuði af nýju plötunni sinni. Morthens hlýtur að vera kominn með ansi mikla verki í hreðjarnar eftir öll spörkin frá Gasaranum, samanber - sem dæmi - þessar línur úr laginu um Flóabitanótt:

[.....]

forðum gekk ég út með gramm í vasa

andesfjallaloftið grænna grasa

fylltust gímöld minna nasa

forðum út ég gekk

[......]

það verða tíuþúsundplatnajól

enginn krókur engin ól

ekkert klifur upp á stól

því þetta verða tíuþúsund

[......]

lifandi heilt komst ég í gegnum kóla

en það dugir ekki að stóla

á þá stráka sem misnota njóla

lifandi

 

Það er ljóst að ekki verður meira sungið um Bubba, Megas og Hörð Torfa, einsog menn undir nafninu Bláir draumar gerðu forðum daga. En ætli ég láti ekki eiga sig að birta þann kveðskap hér á síðunni!Wink


Í dag er sjöundi sjöundi núll sjö....

...og ég er akkúrat á leiðinni í brúðkaupsveislu í kvöld - á þessum mjög svo hæpaða brullaupsdegi. Og ekki nóg með það, heldur er ég að fara að rifja upp gamla takta í músíseringum.

Í Dómkirkjunni í Reykjavík munu klukkan hálf átta ganga í það heilaga mínir elskulegu vinir Eiríkur og Bryndís. Gengið verður síðan úr kirkju örfá skref yfir í Iðnó og þar haldin heljarinnar veisla til heiðurs nýbökuðum brúðhjónunum. Ég hlakka mikið til enda ljóst að mannfagnaður þessi verður gríðarhressandi, svo ekki sé meira sagt.

Ekki nóg með það, heldur ætla ég að setjast á bak við trommusett í fyrsta skipti í sirka áratug. Við erum allnokkrir félagar brúðhjónanna (fjórir Skagamenn, þrír Röskvuliðar og einn vinnufélagi Eiríks) sem ætlum að halda uppi miklu stuði á sviðinu í Inó er líður á kvöldið. Í bandinu verða tveir trommarar (ég annar þeirra), þrír gítaristar, tveir bassaleikarar og einn söngvari - þó fleiri af okkur muni syngja, auk þess sem búast má við allhvössum eða hvössum fjöldasöng í mörgum laganna á prógramminu. Reyndar verður sá sem þetta ritar í aðalhlutverki í einu laganna og mun gera sitt besta til þess að fara í föt þess listamanns sem síða þessi er við kennd.

Fjöldinn í brúðkaupsbandinu gerir okkur kleift að skiptast svolítið á að spila. Þannig ættu allir að geta tekið sér ,,drekkutíma" af og til. Ég get svo svarið það að þetta verður gigg of a læftæm! Það var frábært að grípa í hljóðfæri á nýjan leik á fyrstu æfingunni. Man einmitt hvað það var geggjaður tími á Fjölbrautarárunum þegar maður var í hljómsveitastússinu. Hámarki þessa skemmtilega tímabils var náð þegar við í hljómsveitinni Ármóði skegg unnum Þrumurokk, Tónlistarkeppni FVA í nóvember annó 1996.

Allavega verða brullaupið, veislan og spileríið hreinasta snilld og einn af hápunktum ársins. Um leið og brúðhjónununum er árnað allra heilla (sem og öllum þeim fjölmörgu öðrum sem ganga upp að altarinu á þessum merkilega degi), þá læt ég hér fylgja brúðkaupsvísur þær er Þursaflokkurinn gerði skil árið 1979:

 
Brúðkaupsvísur Leirulækjar-Fúsa

Ykkur vil ég óska góðs,
ekki er mér það bannað;

eftir staupa fylli flóðs
farið þið hvort á annað.

Brúðhjónunum óska ég
að þau eti vel smér,
 
fiskinn með feiknum rífi,
flotinu ekki hlífi,
ketið með kappi snæði
kvikindishjónin bæði.

Brúðhjónanna bolli
berst að höndum mér,
í tískunni ég tolli
og tala svo sem ber:
Ávaxtist sem önd í mó
eða grásleppa í sjó.
Hér á enda hnoða ég ró
og haldið þið piltar við.


I am the Lizardking, I can do everything!

Jim Morrison var mikill orðsins brandur, einsog sést í ljóðaupplestrarlaginu The Ghost Song:

Awake
Shake dreams from your hair
My pretty child, my sweet one
Choose the day
And choose the sign of your day
The day's divinity
First thing you see

A vast radiant beach in a cool jeweled moon
Couples naked race down by it's quiet side
And we laugh like soft, mad children
Smug in the wooly cotton brains of infancy

The music and voices are all around us
Choose, they moon, the ancient ones
The time has come again
Choose now, they croon
Beneath the moon
Beside an ancient lake
Enter again the sweet forest
Enter the hot dream
Come with us
Everything is broken up and dances

Indians scattered on dawn's highway bleeding
Ghosts crowd the young child's fragile eggshell mind


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband